Www.Bisedoj.Com » Teknologji

7 gjëra që nuk duhet t’i bëni kurrë në Facebook

admin — Sun, 16 May 2010 15:01:09 +0000

Faqja e “MSN”-së duke marrë në konsideratë përhapjen e shpejtë të përdoruesve të rrjetit social të “Facebook”-ut, dhe duke u nisur nga kritikat e shumta që i bëhen këtij rrjeti për mungesën e privacisë, ka publikuar dje 7 këshilla për përdoruesit e “Facebook”ut”

1. Së pari ju nuk duhet të përdorni një fjalëkalim të butë. Duhet të shmangni emra apo fjalë të cilat mund të gjenden lehtë në fjalor, përveç kur ato i kombinoni në numra në fund, në mes apo edhe më simbole. Një fjalëkalim duhet të ketë së paku tetë karaktere. Një teknikë e mirë është të fusësh numra dhe simbole midis fjalëve, siç është për shembull ky variant: hO27usEs!.
2. Së dyti ju nuk duhet të lini në profilin tuaj ditëlindjen e plotë. Ky element mund të shfrytëzohet nga njerëz të cilët duan të marrin të dhënat tuaja për ti përdorur më pas në mënyrë të alternuar për të patur akses në llogarinë bankare apo kartat e kreditit. Nëse ju e keni përfshirë datëlindjen e plotë atëherë shkoni tek profile, klikoni mbi “edit information”. Tek opsionet vendosni që të duket vetëm muaji apo dita dhe jo e gjithë datëlindja.
3. Së treti duhet të menaxhoni me kujdes privatësinë e profilit tuaj. Për gjithçka në profilin tuaj në FB ju mund të limitoni aksesin vetëm tek miqtë apo miqtë e miqve. Një regjim strikt duhet përdorur për fotot, ditëlindjen, pikëpamjen fetare, informacionet familjare mes gjërave të tjera. Ju mund ti jepni vetëm grupeve të njohura akses tek fotot dhe mund të bllokoni persona të veçantë që ti shohin ato.
4. Së katërti mos lejoni që të vendosni emrat e fëmijëve tuaj në fotot e ndryshme. Nëse dikush tjetër e bën këtë mund ta fshini me “remove tag”. Nëse fëmija juaj nuk është në FB dhe dikush e përfshin emrin e tij i kërkoni personit që ta heqë.
5. Së pesti mos tregoni faktin se nuk jeni në shtëpi dhe se ajo është bosh. Prisni derisa të ktheheni për tu treguar miqve se si kaluat me pushime.
6. Së gjashti keni parasysh opsionin e makinës kërkuese. Për të ndihmuar që të huajt të mos kenë akses mbi faqen tuaj, shkoni tek menuja “Search” tek “FB privacy” dhe selektoni “Only Friends for FB search results”. Sigurohuni se kutia për kërkimin publik nuk është e klikuar.
7. Së shtati evitoni të vegjlit të përdorin FB pa mbikëqyrje. Limiti i FB është mosha 13 vjeç por fëmijë edhe më të rinj duket se e përdorin atë. Nëse keni një fëmijë të vogël apo një adoleshent në BF, mënyra më e mirë për ta mbikëqyrur është ta keni mik. Përdorni adresën tuaj të e-mailit si kontakt për llogarinë e tij në FB në mënyrë që të merrni informacionet e nevojshme rreth aktivitetit të tij.

/tiranaobserver/

Në 2011-ën lamtumirë “Floppy disk”

admin — Mon, 26 Apr 2010 20:28:21 +0000

Disketat kompjuterike të quajtura “floppy disk” duhet t’i japin lamtumirën botës së teknologjisë pasi në vitin 2011 do dalin në pension.
Lajmin e bën të ditur kompania Sony që nxorri në treg për herë të parë një disketë në vitin 1981. “Floppy disk” ka hedhur një hap të madh në teknologjinë informatike por tashmë koha e tij ka përfunduar. Shitjet do vazhdojnë vetëm në Indi dhe shumë pak vende të tjera.

Shkaku është i thjeshtë, rënia drastike e shitjeve pasi në vitin 2002 u shitën 47 milionë copë, ndërsa në 2009-ën 12 milionë. Moda e momentit është USB-ja që ka më shumë hapësirë dhe është më praktike. USB-të sot mund të arrijnë deri në 256 gigabyte. Apple hoqi lexuesin e disketave nga kompjuterat Mac që në vitin 1998.

Sa vlen facebook? (Grafikë)

admin — Sat, 24 Apr 2010 18:15:44 +0000

Derisa Mark Zuckerberg përgatitet për tu ngjitur në skenë për një fjalim në konferencën e zhvilluesve të Facebook, pyetja që duhet të jetë në mendjet e të gjithëve – duke përfshirë edhe Mark Zuckerberg – është, se sa me vlerë kjo gjë që quhet Facebook.

Me këtë gjë në mendje, le të marrin një vështrim në këtë info-grafikë të prodhuar nga Gigom dhjetorin e kaluar, duke detajuar rritjet dhe rritjet e vazhdueshme të këtij biznesi, të cilat janë deklaruar në letër.

Facebook dëshiron një web më të mençur, më të personalizuar

admin — Fri, 23 Apr 2010 20:13:57 +0000

Mark Zuckerberg ka shpalosur një platformë të ridizjanaur të Facebook që to t’i lejojë web faqet të “personalizojnë eksperiencat” dhe të “krijojnë” një grafik të gjerë të lidhjeve,

“Versioni i ardhshëm i platformës së Facebook vendos njerëzit në qendër të webit. Ajo ju lejon të formoni eksperiencat tuaja online dhe t’i bëni ato më sociale” shpjegoi Zuckerberg.

“Për shembull, nëse ju pëlqen një bend si Pandora, ajo informatë mund të bëhet pjesë e grafikës kështu që më vonë kur vizitoni një faqe koncerti, ajo faqe mund t’ju tregojë kur do të arrijë bendi afër zonës suaj. Fuqia e grafikut të hapur është se ndihmon në krijimin e një webi më të mençur më të personalizuar, që bëhet më i mirë me secilin veprim”.

Sipas Zuckerberg, e ardhmja e webit do të mbushet me një term të quajtur “eksperienca të personalizuara”, që është edhe arsyeja pse kompania ka qenë duke bashkëpunuar me tre partnerë të para-zgjedhur: Microsoft (Docs), Yelp dhe Pandora.

“Kjo ju ofron një shikim të vogël drejt së ardhmes që po ju pret, në të cilën mund të kyçeni pa pasur nevojë të kyçeni përsëri apo të lidheni. Për shembull, tani nëse jeni të kyçur në Facebook dhe shkoni tek Pandora për herë të parë, ajo menjëherë mund të fillojë të lëshojë këngë nga bende që ju keni pëlqyer anembanë webit”.

“Dhe gjersa ju po dëgjoni muzikë, ajo mund t’iu tregojë miq që gjithashtu pëlqejnë të njëjtën këngë si ju, dhe ju më pas mund të klikoni dhe të shihni muzikën tjetër që e pëlqejnë ata”.

MARK ZUCKERBERG

Gjatë ditës së mërkurë kur u prezantuan ndryshimet e reja në Facebook, u paralajmëruan edhe disa ndryshime në privatësi të cilat dikë do ta bëjnë nervoz. Padyshim që lejimi i disa faqeve të caktuara të faqes së tretë për të pasur qasje në informatat personale të përdoruesve mund të jetë diçka problematike.

Gjithashtu Facebook ka paralajmëruar edhe kërkimin në kohë reale në faqe të dorës së tretë, ngjashëm sikurse shërbimi i Twitter. Facebook ka paralajmëruar se postimet publike të përdoruesve do të ofrohen në faqe kërkuese si Google dhe Bing. (pcw)

Pesë vjet YouTube

admin — Fri, 23 Apr 2010 19:44:59 +0000

YouTube feston 5-vjetorin e videos së parë të shkarkuar në një sajt, i cili që atëherë është bërë propaganduesi më i famshëm i videove online. Më 23 prill, Jawed Karim – themelues i YouTube-it – kishte shkarkuar videon e quajtur “Unë në kopshtin zoologjik”, duke nxitur kështu senzacion në internet.

Klipi 19-sekondash ishte filmuar në kopshtin zoologjik në San Diego dhe paraqiste elefantët dhe një dhi shumë të zëshme pranë Karimit të nevrikosur.

Tani, më shumë se një miliard video publikohen çdo ditë nga përdoruesit në mbarë botën dhe faqja është në pronësi të Google-it.

Regjistrohen pamjet më të qarta të Diellit

admin — Thu, 22 Apr 2010 21:15:38 +0000

Uashington – Agjencia Kombëtare Amerikane e Hapësirës (NASA), ka arritur të regjistrojë pamjet më të qarta të Diellit. Sateliti i dërguar nga NASA në hapësirë më 11 shkurt, ka regjistruar pamjet më të qarta deri më tani të Diellit. Studiuesit kishin si synim të zbulonin ndikimet mes diellit dhe yjeve të tjerë, dhe në këtë mënyrë arritën të merrnin edhe pamjet e reja.

Shkencëtari amerikan i NASA-s, Riçard Fisher deklaron se këto janë pamjet më të qarta që ka parë ndonjëherë gjatë punës së tij 40-vjeçare. “Këto pamje do të ndryshojnë perceptimin tonë ndaj Diellit dhe mënyrën sesi do ta studiojmë në të ardhmen”, shprehet Riçard.

Nëpërmjet fotografive, të cilat janë 10 herë më të qarta se ato të regjistruara deri më tani, qëllimi kryesor i studiuesve është të mësojnë përbërjen e brendshme të Diellit.

Sateliti i dërguar nga NASA ndodhet 35 900 kilometra larg nga Toka, dhe do të sjellë pamje direkt të Diellit për 5-10 vite rresht. Sateliti do të regjistrojë çdo ditë 1,5 terabajt të dhëna, që do të thotë një CD për çdo 36 sekonda.

Në rubrikën e Foto Galerisë mund te shihni disa nga pamjet e reja te Diellit.

/gazetastart/

Google, dhunohet sistemi i fjalëkalimeve

admin — Wed, 21 Apr 2010 18:48:12 +0000

Një sulm informatik ndaj Google ka pasur si rezultat dhunimin e sistemit të administrimit të fjalëkalimeve.

Rrjeti përdoret çdo ditë nga miliona persona në të gjithë botën për të përdorur shërbimet online të Mountain View.

Lajmin e ka bërë të ditur New York Times. Google e kishte bërë të ditur sulmin janarin e shkuar, duke shpjeguar se piratët kishin vjedhur informacione nga kompjuterat, pa treguar asnjëherë natyrën e vërtetë të tyre.

Laptopët e ri, SONY VAIO

admin — Mon, 19 Apr 2010 21:33:18 +0000

Sony do të paraqesë “divizionin e dytë” të laptopëve të serisë VAIO të cilët janë ndërtuar dhe projektuar nga prodhues të tjerë.

Kryetari i grupit të biznesit Sony ka shpallur një strategji të re për departamentin e kompanisë që merret me prodhimin e laptopëve të “divizionit një” e cila do të jetë e ngarkuar me laptopët e projektuar e prodhuar nga Sony, ndërsa “divizioni i dytë” do të jetë në krye të modeleve VAIO, i cili është ndërtuar nga partnerët.

Edhe pse këto modele do jenë të prodhuara nga kompania Sony, Ryosuke Akahane tha se ata do të karakterizohen me stilin dhe shijen e modeleve VAIO. Këta laptopë do të vazhdojnë të mbajnë emrin e Sony dhe kompania do të miratojë të gjitha planet rreth kompanive të tjera, të cilat janë të lidhura me të.

Google po ri-dizajnon Gmail-in

admin — Fri, 16 Apr 2010 15:30:07 +0000

Google vazhdon ngadalë por në mënyrë të qëndrueshme përmirësimet e saj në shërbimin e Gmail në sistemin operativ Android, iPhone, dhe tani edhe në iPad.

Më parë këtë gjatë kësaj jave, kompania amerikane ka prezantuar një sërë ndryshimesh të vogla të cilat trajtojnë mesazhet në shërbimin e emailit të Google, Gmail.com.

Lartësia e fushës së email adresës është zgjeruar tani, në mënyrë që të mund të përmbajë një listë të plotë të kontakteve të shtuara, kështu që ju mund të shihni marrësit e mesazhit pa asnjë ndërhyrje.

Ekziston edhe një tipar shumë i dobishëm kur ju shkruani emrin e miqve tuaj në Gmail. Me këtë tipar të ri krejt çka ju duhet të bëni është të shkruani emrin e shokut / shoqes tuaj në Gmail dhe të ndani atë me presje, nga emir i ardhshëm, ndërsa pjesën tjetër e bën Gmail për ju në mënyrë automatike. Përfundimisht, ajo çka vlen të përmendet është se Google po bën një përmirësim të ndjeshëm të shërbimit Gmail.

/ipko/

Forbes:Ja se si do jetë jeta në vitin 2020 ?!

admin — Thu, 15 Apr 2010 14:26:04 +0000

E ardhmja e teknologjisë është përshëndetur për dekada më radhë. Duket se është diçka e madhe që ka lidhje me kompjuterat, kudo. Por, është ironik fakti se e ardhmja e teknologjisë do jetë e zhvilluar në një kohë kur kompjuterat s’do jenë as të dukshëm. E ky është viti 2020. Kompjuterat tradicionalë po zhduken: njerëzit po mbushen me informacione dhe mjete më të vogla teknologjike. Cila është kthesa më mahnitëse që po krijon informatika në jetën tonë? Ju mund të mendoni se është gjithçka “më e vogël, më e mirë, më e shpejtë”, por ka edhe një histori më dramatike mbi mënyrën se si po e ndryshon informatika atë që ne jemi si njerëz dhe si shoqëri. Falë mrekullive të teknologjisë ideja e menaxhimit të dy jetëve të ndara është bërë e zakonshme tashmë për ne. Ne kemi gjithnjë jetën e parë që është ekzistenca fizike, ajo që s’i shpëtojmë dot deri sa te vdesim. Por sot mund të përshtatemi të gjithë në një jetë të dytë që është ajo virtuale. Në dhjetë vjet udhëtimi do jetë i shkurtër, i lirë dhe zbavitës. Amerika është një kulturë lëvizëse. Lëvizshmëria gjeografike dhe sociale kanë luajtur gjithnjë një rol kritik në formimin e saj. Në 100 vjetët e fundit ëndrra e lëvizjes së lirë është manifestuar tek automobili. Në 50 vjetët e fundit aeroplani luajti një rol kritik. Por gjërat po ndryshojnë duke qenë se industria e automobilave po kalon ndryshime të mëdha, frika nga terrorizmi po e kthen fluturimin me avion në barrë dhe mungesa e burimeve energjetike mund të destabilizojë botën. Transporti në vitin 2020 do kryhet me automjete shumë të vogla dhe makina elektrike e të shpejta. Sistemi arsimor nuk është jo-funksional, por po bëhet gjithnjë e më shumë i vjetruar. Ne kemi akoma një model arsimi të zhvilluar për revolucionin industrial dhe të krijuar për të përgatitur punonjës fabrikash. Në vitin 2029 ne do shohim një klasë ashtu siç duhet. Profesori i vetëm që jep mësim do jetë zëvendësuar nga një ekip trajnuesish nga fusha të ndryshme. Sallat e vogla të leksionit do zëvendësohen nga salla të vogla, ku nxënësit e studentët rrinë ashtu siç janë rehat. Ata do punojnë në hapësira të përbashkëta me mjekë, inxhinierë, avokatë e gazetarë dhe të mësojnë të integrohen në qëndrime të ndryshme. Në të ardhmen do jetë shumë më e lehtë për të mbajtur dietë. Mjafton të regjistroni në frigoriferin tuaj ushqimet që duhet të qëndrojnë aty dhe kur të shkoni në market mund të dorëzoni kartën me ushqimet e regjistruara. Në vitin 2020 gjithçka do jetë me lehtë sepse zgjedhjet e ushqimeve do i bëjnë mjekët për ne. Gjumi do jetë më i mirë, ushtrimet do jenë më mirë dhe doktorët do jenë gjithkund afër njerëzve. Njerëzit janë gjithë kohës duke u përpjekur të gjejnë mënyra sa më të mira për ushqyerjen, stërvitjen, gjumin dhe gjithçka tjetër e ky do jetë një prej atyre faktorëve që do ndryshojë për mirë. Teknologjia do ketë të bëjë me mundësitë. Telefonat e rrisin mundësinë e njerëzve, me të cilët mund të lidhesh. Makinat gjithashtu. Kompjuterat me rrjete të fuqishme mund të ndryshojnë çdo situatë, e të ndryshojnë atë që mund të bëni e ku mund ta bëni. Gjithçka është e mundur, kontrolli i kohës, hapësirës e vëmendjes. Kjo mund të jetë liria më e madhe që mund t’i jepet njerëzimit. Imagjinoni një botë të pasur në sensorë, të dhëna dhe kompjutera që mund të bëjnë një gjë të tillë. Gjithçka do jetë e mundur në vitin 2020.

Kompjuteri në vitin 2020

Kompjuterat tradicionalë po zhduken: njerëzit po mbushen me informacione dhe mjete më të vogla teknologjike. Cila është kthesa më mahnitëse që po krijon informatika në jetën tonë? Ju mund të mendoni se është gjithçka “më e vogël, më e mirë, më e shpejtë”, por ka edhe një histori më dramatike mbi mënyrën se si po e ndryshon informatika atë që ne jemi si njerëz dhe si shoqëri. Falë mrekullive të teknologjisë ideja e menaxhimit të dy jetëve të ndara është bërë e zakonshme tashmë për ne. Ne kemi gjithnjë jetën e parë që është ekzistenca fizike, ajo që s’i shpëtojmë dot deri sa te vdesim. Por sot mund të përshtatemi të gjithë në një jetë të dytë që është ajo virtuale.

Transporti në 2020

Në dhjetë vjet udhëtimi do jetë i shkurtër, i lirë dhe zbavitës. Amerika është një kulturë lëvizëse. Lëvizshmëria gjeografike dhe sociale kanë luajtur gjithnjë një rol kritik në formimin e saj. Në 100 vjetët e fundit ëndrra e lëvizjes së lirë është manifestuar tek automobili. Në 50 vjetët e fundit aeroplani luajti një rol kritik. Por gjërat po ndryshojnë duke qenë se industria e automobilave po kalon ndryshime të mëdha, frika nga terrorizmi po e kthen fluturimin me avion në barrë dhe mungesa e burimeve energjetike mund të destabilizojë botën. Transporti në vitin 2020 do kryhet me automjete shumë të vogla dhe makina elektrike e të shpejta.

Klasa në vitin 2029

Sistemi arsimor nuk është jo-funksional, por po bëhet gjithnjë e më shumë i vjetruar. Ne kemi akoma një model arsimi të zhvilluar për revolucionin industrial dhe të krijuar për të përgatitur punonjës fabrikash. Në vitin 2029 ne do shohim një klasë ashtu siç duhet. Profesori i vetëm që jep mësim do jetë zëvendësuar nga një ekip trajnuesish nga fusha të ndryshme. Sallat e vogla të leksionit do zëvendësohen nga salla të vogla, ku nxënësit e studentët rrinë ashtu siç janë rehat. Ata do punojnë në hapësira të përbashkëta me mjekë, inxhinierë, avokatë e gazetarë dhe të mësojnë të integrohen në qëndrime të ndryshme.

Dieta në vitin 2020

Në të ardhmen do jetë shumë më e lehtë për të mbajtur dietë. Mjafton të regjistroni në frigoriferin tuaj ushqimet që duhet të qëndrojnë aty dhe kur të shkoni në market mund të dorëzoni kartën me ushqimet e regjistruara. Në vitin 2020 gjithçka do jetë me lehtë sepse zgjedhjet e ushqimeve do i bëjnë mjekët për ne. Gjumi do jetë më i mirë, ushtrimet do jenë më mirë dhe doktorët do jenë gjithkund afër njerëzve. Njerëzit janë gjithë kohës duke u përpjekur të gjejnë mënyra sa më të mira për ushqyerjen, stërvitjen, gjumin dhe gjithçka tjetër e ky do jetë një prej atyre faktorëve që do ndryshojë për mirë.

Zgjedhja juaj në 2020

Teknologjia do ketë të bëjë me mundësitë. Telefonat e rrisin mundësinë e njerëzve, me të cilët mund të lidhesh. Makinat gjithashtu. Kompjuterat me rrjete të fuqishme mund të ndryshojnë çdo situatë, e të ndryshojnë atë që mund të bëni e ku mund ta bëni. Gjithçka është e mundur, kontrolli i kohës, hapësirës e vëmendjes. Kjo mund të jetë liria më e madhe që mund t’i jepet njerëzimit. Imagjinoni një botë të pasur në sensorë, të dhëna dhe kompjutera që mund të bëjnë një gjë të tillë. Gjithçka do jetë e mundur në vitin 2020.

Shtëpia në 2020

Deri tani shtëpitë ishin me shumicë dhe të gjithë mund të merrnin shtëpi, duke marrë një kredi. Por kjo shkaktoi një krizë financiare aq të madhe saqë pasojat e saj u ndjenë në gjithë globin. Shtëpia e vitit 2020 do të jetë më afër punës, shkollës dhe dyqaneve. Kjo për arsye se nafta do të kushtojë më shtrenjtë dhe koha do të jetë e çmuar. Gjithçka do të ketë tendencën të afrohet në vitin 2020. Gjithashtu, periferitë e tanishme do të bëhen qendra të zhvilluara dhe do shkojnë edhe më tej. Do shohim dhe krijimin e komuniteteve të përziera që pas dhjetë vjetësh nuk do jetë aq problem sa është sot.

Puna në 2020

Sfida më e madhe ekonomike me të cilën përballet SHBA në dekadën që vjen është ulja e papunësisë. Dekada e shkuar ka qenë katastrofë për punësimin në mbarë botën. Për të ecur në të njëjtin ritëm me rritjen e popullsisë dhe për të parandaluar papunësinë ekonomia duhet të krijojë 1 deri në 2 milionë vende pune çdo vit. Disa analistë mendojnë se në vitin 2020 mund të ketë papunësi më të lartë se ç’është tani. Por kjo varet dhe nga faktorët demografikë. Problemi është se me avancimin e teknologjisë nevoja e forcës punëtore do vijë gjithnjë e më në rënie.

http://tiranaobserver.com.al